Mövsümə “Neftçi”də başlayan Roman Qriqorçuk “ağ-qaralar”dan sonra keçdiyi komandadan da ayrılıb.

Prosport.Az xəbər verir ki, ukraynalı mütəxəssisin LNZ-lə müqaviləsinə xitam verilib. Bu barədə Ukrayna klubunun mətbuat xidməti məlumat yayıb.

Bildirilib ki, 60 yaşlı çalışdırıcı ilə sözləşmə qarşılıqlı razılıq əsasında ləğv edilib. Bu qərar rəhbərliyin olduğundan, Qriqorçuka təzminat ödəniləcək.

Qeyd edək ki, “Neftçi”də 4 ay qalan Roman Qriqorçukun LNZ karyerası yarım il çəkib. Çerkassı təmsilçisi bu müddətdə Ukrayna çempionatında 13 oyun keçirib, 5 dəfə məğlub olub, 6 dəfə heç-heçə edib və cəmi 2 matçda qələbə qazanıb. LNZ Premyer Liqanı 31 xalla 16 komanda arasında 12-ci yerdə bitirib.