Azərbaycan I Liqasında pley-offun nominal meydan sahibi müəyyənləşib.

Prosport.Az xəbər verir ki, nominal meydan sahibinin müəyyənləşdirilməsi məqsədilə keçirilən mərasimdə PFL-in, “Difai” və “Haypers Quba” klublarının nümayəndələri iştirak ediblər.

PFL Yarışların təşkili və qeydiyyatı şöbəsinin baş mütəxəssisi Elvin Yaqubov, “Difai” klubun prezidenti Asəf Məlikov, “Haypers Quba” klubunun prezidenti Ayaz Abdullayev ilə təmsil olunub. Püşkatmaya əsasən, “Difai” nominal meydan sahibi olub.

Qeyd edək ki, I Liqa uğrunda pley-off qarşılaşması 28 may tarixində “ASCO Arena”da keçiriləcək. Matç saat 16:00-da start götürəcək.