Litva millisinin hücumçusu Manfredas Ruzqisin “Qarabağ”a keçidi reallaşmaq üzrədir.

Prosport.Az Litva mətbuatına istinadən xəbər verir ki, Albaniyanın “Vora” klubunun forvardı Azərbaycan çempionundan daha yüksək məbləğdə maaş təklifi alıb.

Həmçinin ağdamlıların “Vora”ya da sərfəli təzminat təklif etdiyi vurğulanıb. “Vora”dakı parlaq çıxışı ilə bir neçə klubun diqqətini cəlb edən Ruzqisin transferində “Qarabağ” rəhbərliyi rəqiblərini qabaqlamaq üçün danışıqları intensivləşdirib.

Qeyd edək ki, ötən ilin yayında “Vora”ya keçən Manfredas Ruzqis bu mövsüm 32 oyunda 24 qol vurub.