Almaniyanın daha bir klubu Azərbaycan millisinin futbolçusu Mahir Emrelinin xidmətində maraqlıdır.

Prosport.Az xəbər verir ki, “Kayzaslautan” 28 yaşlı hücumçunu heyətinə qatmaq niyyətindədir.

2-ci Bundesliqa təmsilçisi Mahiri sərbəst futbolçu kimi ələ keçirməyi planlaşdırır. “Nürnberq”lə müqaviləsinin müddəti uzadılmadığı üçün yayda klubsuz qalacaq forvard “Kayzaslautan”in hücum xəttini gücləndirməlidir.

Mahir “Köln”ə keçəcəyi gözlənilən Qana əsilli Raqnar Açeni əvəz etməlidir. Klubun icraçı direktoru Tomas Henqen və idman direktoru Marsel Klos millimizin hücumçusunu komandada görmək istəyir.

Qeyd edək ki, Mahir Emreli Almaniyanın digər klubu “Zankt Pauli”nin də maraq dairəsindədir.