Mayın 29-da “QOLAT Sport Service & Football Agency” tərəfindən “Futbol Konfransı Bakı” adlı beynəlxalq futbol konfransı keçiriləcək.

Prosport.Az Azərtac-a istinadən xəbər verir ki, Azərbaycanda ilk dəfə təşkil olunacaq konfransın əsas məqsədi ölkəmizdə futbol sahəsində çalışan insanların bir araya gələrək müasir futbol mövzularının müzakirəsində iştirak etmək, xarici və yerli mütəxəssislərlə qarşılıqlı fikir mübadiləsində aparmaq və əlaqləri genişləndirməkdir.

Futbol Forumunun əsas mövzu istiqaməti “Dəyişən Futbol Dünyası” olaraq nəzərdə tutulub. Forumda Türkiyə, Avropa və Azərbaycandan olan futbol mütəxəssisləri panel müzakirələrində iştirak edəcəklər. İştirakçılar sırasında Azərbaycan klublarının nümayəndələri, futbolçular, FIFA futbol agentləri, məşqçilər və gələcəkdə öz karyerasını bu istiqamətdə qurmaq istəyən şəxslərin qatılması nəzərdə tutulur.

“QOLAT Sport Service & Football Agency”nin direktoru Səid Bağırov konfransın keçirilməsini ölkəmiz üçün vacib hesab edir: “Məqsədlərdən biri futbolun sadəcə meydançada oynanılan oyun kimi yox, bu sahədə uğurlu olmuş ölkələrin təcrübələrini paylaşaraq, müasir futbolda istifadə olunan texnologiyaları, futbolçu yetişdirilməsi, oyunçu və klublarla münasibətlərin inkişaf etdirilməsi, transfer məsələləri kimi mövzularda mütəxəssiz rəylərini dinləməyin vacibliyini göstərməkdir. Forumda spiker kimi çıxış edəcək olan iştirakçıların siyahısını qısa zamanda futbol ictimaiyyət ilə paylaşacağıq”.

Qeyd edək ki, mayın 29-da Hyatt Regency oteldə keçiriləcək “Futbol Konfransı Bakı” forumunda iştirak pulsuzdur. Forumda iştirak üçün qeydiyyatdan keçmək üçün aşağıdakı linkdən istifadə edə bilərsiniz.

https://forms.gle/27ZTAduu9DeKmBRC6forms.gle