"Zirə"nin qapıçısı Tyaqu Silva klubun düşərgəsini tərk edib.

Prosport.Az futbolinfo.az-a istinadən xəbər verir ki, Premyer Liqada mövsümün son turu öncəsi portuqaliyalı qolkiper vətəninə yola salınıb. 2023-cü ilin yayında "Zirə" ilə 2+1 illik müqavilə imzalayan Silva ilə bu ayrılığın müvəqqəti, yoxsa birdəfəlik olacağı hələlik dəqiqləşməyib.

Qeyd edək ki, 25 yaşlı qapıçı avrokuboklardakı inamlı çıxışı ilə yadda qalsa da, cari mövsümdə cəmi 3 oyunda meydana çıxıb. Legioner limiti üzündən ehtiyatda qalan qolkiper bu durumdan narazı idi.

"Zirə"yə gəlməzdən əvvəl Portuqaliyanın "Vitoriya Gimaraynş", "Leyşoeş" və "Trofense" klublarında çıxış edən Tyaqunun birdəfəlik vidası mümkündür. Amma yeni mövsümdən legioner limtnn ləğv edildyini nəzərə alsaq, Silvanın vəziyyəti dəyişməlidir.