“Qaradağ Lökbatan” klubunun məşqçisi Amit Quluzadə cəzalanıb.

Prosport.Az xəbər verir ki, bu barədə qərarı AFFA İntizam Komitəsi verib.

Onun diskvalifikasiyasına I Liqanın XXVI turunun “Karvan” – “Qaradağ Lökbatan” oyunu bitdikdən sonrakı davranışı səbəb olub. Amit Quluzadə hakimləri təhqir etdiyinə görə 5 oyun cəzalanıb. “Qaradağ Lökbatan” 400 manat cərimələnib.

Qeyd edək ki, "Qaradağ Lökbatan"ın çempionatda sonuncu olacağı və növbəti mövsüm fəaliyyət göstərməyəcəyi bəllidir.