Misli Premyer Liqasının XXXV turunda "Qarabağ" "Kəpəz"i məğlub edib.

Prosport.Az xəbər verir ki, "Azərsun Arena"da baş tutan turun son görüşü meydan sahiblərinin 3:0 hesablı qələbəsi ilə yekunlaşıb.

Ağdam təmsilçisinin heyətində Leandro Andrade (31), Aleksey Kaşşuk (72) və Musa Qurbanlı (82) fərqləniblər.

Qurban Qurbanovun rəhbərlik etdiyi kollektiv 86 xalla 1-cidir. "Köhlən atlar" çempionluğunu 3 tur əvvəl rəsmiləşdirib. 32 xala malik Gəncə təmsilçisi 8-cidir.

Qeyd edək ki, turun əvvəlki matçlarında "Turan Tovuz" səfərdə "Sumqayıt"ı, "Araz-Naxçıvan" "Şamaxı"nı 1:0 hesabı ilə məğlub edib. "Neftçi" "Səbail" kollektivini 3 cavabsız qolla üstələyib. "Zirə" - "Sabah" qarşılaşmasında isə qalib müəyyənləşməyib - 1:1.