Misli Premyer Liqasının XXXV turunun “Neftçi” – “Səbail” oyunundan (3:0) sonra qonaq komandanın məşqçisi Elvin Məmmədov jurnalistlərin suallarını cavablandırıb.

Prosport.Az xəbər verir ki, mütəxəssis əvvəlcə görüşlə bağlı fikirlərini bölüşüb.

– Premyer Liqadan düşməyimiz rəsmiləşib. Bu durumda oyunçuları matça kökləmək çətin deyil?

 – Nə qədər danışsaq da, futbolçu psixologiyasıdır. Bilirdik ki, “Neftçi”nin də 5-ci yerə şansı var və bizə qarşı aqressiv oynayacaqlar.

– Artıq I Liqaya fokuslanmısınız?
– Bu barədə rəhbərliklə hələ dəqiq söhbət etməmişik. Ümid edirəm ki, yenidən “Səbail” iddialı olub, Premyer Liqaya yüksəlmək üçün hər şeyi edəcək. İndi danışmaq tezdir. Danışıq olmayıb. Rəhbərliklə fikirlərimiz üst-üstə düşür ki, Premyer Liqaya geri qayıdaq. Amma maliyyə məsələsi var. Çempionat bitdikdən sonra ətraflı danışacağıq.