Ötən mövsümün sonunda "Zirə"dən ayrılan Nemanya Ancelkoviç Rusiyanın "Akron" komandasına keçib.

Prosport.Az klubun rəsmi saytına istinadən xəbər verir ki, serbiyalı müdafiəçi I Liqa təmsilçisi ilə uzunmüddətli müqavilə imzlayıb. Sözləşmənin detalları barədə məlumat verilməyib.

26 yaşlı oyunçu yeni komandasında da elə 26 nömrəli formanı geyinəcək.

Qeyd edək ki, Nemanya Ancelkoviç 2021-ci ilin yanvarından "Zirə"nin şərəfini qoruyurdu.