"Sabah" Misli Premyer Liqasının XXXV turunda "Zirə" ilə 1:1 hesablı heç-heçə edib.

Prosport.Az xəbər verir ki, Masazır təmsilçisinin baş məşqçisi Vasili Berezutski oyundan sonra keçirilən mətbuat konfransında jurnalistlərin suallarını cavablandırıb.

- Biz yaxşı oynadıq, daha çox qol imkanı yaratdıq. Təəssüf ki, onlardan yararlanmaq olmadı. Nəticədən razı deyiləm.

- Kubokun finalı yaxınlaşdıqca, həyəcan artır?

- Biz çempionatda bütün şanslarımızı itirmişik. Finala çıxdıqdan sonra ora fokuslanmışıq. Ora hazırlaşırıq. Çempionatı da oynayırıq, “Neftçi” ilə oyunumuz var. Bütün matçlarda qalib gəlmək istəyirik.

- “Neftçi” ilə oyun final öncəsi xeyrinizə, yoxsa ziyanınıza olacaq?

- Biz istənilən matçda qalib gəlmək istəyirik. Çünki oyundan qalib ayrılsaq, bu, bizə daha çox əminlik verəcək.