"Asif Məmmədov böyük addır, bunun üçün çox şey edib. Əlbəttə, onunla birlikdə işləmək mənə xoşdur".

Bunu Prosport.Az-a "Qəbələ"nin gürcüstanlı baş məşqçisi Kaxaber Sxadadze deyib.

"Qəbələ"nin 38 yaşlı kapitanı Asif Məmmədovun karyerasını bitirib məşqçiliyə başlayacağı deyilir. Kaxaber Sxadadze bildirib ki, komandanın kapitanı Asif Məmmədov növbəti mövsüm məşqçilər korpusunda yer ala bilər:

"Biz bir-birimizi çoxdan tanıyırıq. Şadam ki, o bizim bu çempionluğumuzda rol oynadı. Onunla birlikdə əvvəl "Standard" klubunda, daha sonra "İnter"də olmuşuq. Onunla yaxşı münasibətlərim var. Asif də bilir ki, mən və mənim məşqçilər heyətim onunla birgə işləməkdən xoş olar".