İngiltərənin "Hall Siti" klubu baş məşqçisi Ruben Seyeslə yollarını ayırıb.

Prosport.Az xəbər verir ki, ispaniyalı mütəxəssislə müqaviləyə qarşılıqlı razılıq əsasında xitam verilib. 41 yaşlı çalışdırıcının işi Çempionşip təmsilçisinin rəhbərliyini qane etməyib.

Seyes ötən ilin dekabr ayında türkiyəli iş adamı Acun Ilıcalının sahibi olduğu "Hall Siti"nin baş məşqçisi təyin olunmuşdu.

Qeyd edək ki, Ruben Seyes daha əvvəl Azərbaycanda çalışıb. O, 2012-2014-cü illərdə "Neftçi"də, 2015-2017-ci illərdə isə "Qarabağ"da köməkçi məşqçi vəzifəsində işləyib.