"İmişli" klubunun mayın 16-da – I Liqada son ev oyunundan öncə Heydər Əliyev adına İmişli şəhər stadionu konsert keçiriləcək.

Prosport.Az xəbər verir ki, musiqili tədbirdə Azərbaycanın tanınmış müğənnisi Damla oxuyacaq.

Onunla yanaşı, Hidayət İmişli, Rövşən Binəqədili və Günay Bəylərqızı da öz mahnıları ilə yerli azarkeşləri coşduracaq.

Stadionun qapıları saat 14:30-da açılacaq, tədbir 15:00-da başlayacaq, oyun isə 17:00-da start götürəcək.

Qeyd edək ki, "İmişli" mövsümün son ev matçında "Baku Sportinq"i qəbul edəcək. Komanda artıq Premyer Liqaya vəsiqəni təmin edib.