Kişi basketbolçulardan ibarət “Sabah” klubu mövsümdə ilk dəfə ardıcıl 2 məğlubiyyət alıb.

Prosport.Az xəbər verir ki, paytaxt təmsilçisi bu uğursuz seriya ilə Azərbaycan çempionatının finalında üzləşib.

Rimas Kurtinaytisin yetirmələri “Neftçi” qarşısında aciz qalıblar. “Sabah” 3-cü görüşdə 76:79, 4-cü qarşılaşmada 66:84 hesabı ilə uduzub.

Qeyd edək ki, son çempion cari mövsümdə ümumilikdə 6 dəfə məğlub olub. Bunlardan 4-ü müntəzəm çempionatda, 2-si finalda qeydə alınıb.