Mövsüm başa çatdıqdan sonra “Nürnberq”də qalmayacağı dəqiqəşən Mahir Emrelinin karyerasını hansı klubda davam etdirəcəyi hələ bəlli deyil.

Prosport.Az sportal.az-a istinadən xəbər verir ki, Azərbaycan millisinin üzvünə bir çox klubdan təklif var. Müxtəlif ölkə klublarından rəsmi dəvət alan Emreli özü üçün ən cəlbedici təklifi dəyərləndirəcək.

Onu heyətinə qatmaq istəyən klublardan biri Rusiyanın “Dinamo” (Moskva) klubudur. Premyer Liqada hazırda 5-ci pillədə yer alan Moskva təmsilçisi Emrelinin keçidini bu yay reallaşdırmaq niyyətindədir.

Mahirin xidmətində maraqlı olan digər klublar ABŞ-ı təmsil edir. MLS-də çıxış edən 2 klub Mahir üçün mübarizə aparır. Onun hansı seçim edəcəyi isə mövsüm başa çatdıqdan sonra dəqiqləşəcək.

Qeyd edək ki, 27 yaşlı futbolçu mövsümün əvvəlində “Nürnberq”lə 1 illik müqavilə imzalamışdı.