“Birinci yerdə “Krasnodar” gedir, Murad Musayev yox. Meydanda Musayev deyil, futbolçular oynayır. O özü heç vaxt futbol oynamayıb”.

Prosport.Az xəbər verir ki, bunu Rusiya millisinin sabiq futbolçusu Aleksandr Mostovoy “Sabah”ın sabiq baş məşqçisi Murad Musayev haqqında danışarkən deyib.

O, “Krasnodar”ın Rusiya çempionatında birinci pillədə qərarlaşmasını dəyərləndirib. Mostovoy bunu baş məşqçinin uğuru hesab etmir: “Əgər “Krasnodar” çempion olsa, Musayev barədə fikrim dəyişəcəkmi? Çox güman ki, çempion olacaq. Amma fikrim dəyişməyəcək. Mən fikrini dəyişən insan deyiləm. Çoxları Musayevi tanımır. Bir agent danışırdı ki, guya o vaxt bazada topları daşıyırmış. Belə adamlar bizim yerimizi – futbol adamlarının yerlərini tuturlar. Gəlin siz cavab verin: Musayev kimdir bizim futbolumuzda? Harada oynayıb? Kimə qol vurub?”

Qeyd edək ki, Murad Musayev 2021-ci ilin oktyabrından 2024-cü ilin fevralına qədər “Sabah”ı çalışdırıb. Onun rəhbərlik etdiyi “Krasnodar” Rusiya Premyer Liqasında 27 turdan sonra 61 xalla turnir cədvəlinə başçılıq edir.