"Rəqib ilk oyunda olduğu kimi, bu dəfə də tam qüvvəsi ilə mübarizə apardı. Düşünürəm ki, qələbəmizdə əsas rolu fiziki hazırlıq oynadı".

Prosport.Az xəbər verir ki, bu sözləri "Sabah"ın baş məşqçisi Rimas Kurtinaytis Azərbaycan Basketbol Liqasının final seriyasının 2-ci oyununda səfərdə "Neftçi"yə 86:77 hesabı ilə qalib gəldikləri oyun barədə danışarkən deyib.

Mütəxəssis bildirib ki, qələbəyə görə sevinsələr də, bu oyun artıq keçmişdə qaldı: "Növbəti matçı düşünməliyik. Ribaundlarda səhvlərimiz oldu. Ümumi götürsək, səhvlər də oyunun bir hissəsidir. Buna baxmayaraq oyunçularımızın xarakter nümayiş etdirdiklərinə görə həm sevinirəm, həm də onlara təşəkkür edirəm".