2025/2026 mövsümündə Azərbaycanı UEFA Çempionlar Liqasında təmsil edəcək “Qarabağ”ın II təsnifat mərhələsində hansı səbətdə yer alacağı müəyyənləşib.

Prosport.Az xəbər verir ki, Ağdam təmsilçisi ilk raundda olduğu kimi, yoluna davam edərsə, II təsnifat mərhələsinin püşkü zamanı da səpələnmişlər sırasında qərarlaşacaq.

Buna səbəb təmsilçimizin yüksək reytinq əmsalına (32.000) malik olmasıdır. II raunddan mübarizəyə başlayacaq iki komanda da artıq məlumdur. Müvafiq olaraq Yunanıstan və Serbiya çempionu olan “Olimpiakos”la “Srvena Zvezda” püşkatma zamanı güclülər arasında olacaqlar. Yəni onlar “Qarabağ”ın potensial rəqibləri sırasında yer almayacaqlar.

Qeyd edək ki, Çempionlar Liqasında I təsnifat mərhələsinin püşkü iyunun 17-də, II raundun püşkü isə ertəsi gün atılacaq.