Türkiyənin "Fənərbağça" futbol klubunun sabiq baş məşqçisi Jorje Jezuş Səudiyyə Ərəbistanının "Əl-Hilal" klubunu çalışdıracaq.

Prosport.Az xəbər verir ki, bu barədə Səudiyyə Ərəbistanı klubunun mətbuat xidməti məlumat yayıb.

Əməkdaşlığın təfərrüatları açıqlanmır.

Portuqaliyalı mütəxəssis məşqçilik karyerası ərzində “Benfika”, “Sportinq”, “Braqa” və “Flamenqo” kimi komandalarda çalışıb. 68 yaşlı məşqçi artıq 2018/2019 mövsümündə “Əl-Hilal”a rəhbərlik edib. Daha sonra onun rəhbərlik etdiyi Ər-Riyad komandası Səudiyyə Ərəbistanı Superkubokunu qazana bilib.

Onun bir müddət əvvəl "Fənərbağça"nın baş məşqçisi vəzifəsini tərk etdiyi məlum olub.