Əlcəzair mətbuatı “Qarabağ”ın yarımmüdafiəçi Yassin Benziyanın klubla müqavilə müddətinin mümkün uzadılmasından yazıb. 

Prosport.Az xəbər verir ki, “Fennec Football” nəşri təcrübəli futbolçunun Ağdam klubu ilə yekun razılığa gəlmək perspektivinin real göründüyünü qeyd edib:

"Bu, avrokuboklar öncəsi heyətini saxlamaq istəyən Azərbaycan klubunun güclü siqnalı kimi qiymətləndirilir. Benziyaya gəlincə, əməkdaşlığın davam etdirilməsi onun əvvəlki Avropa təcrübəsində nail olmaqda çətinlik çəkdiyi səviyyə və sabitliyi tapdığı bir mühitdə davamlılıq istəyini nümayiş etdirəcək. Vəziyyət son anda dəyişməsə, yaxın günlərdə yeni müqavilə ilə bağlı rəsmi razılıq əldə oluna bilər. Bu, DÇ-2026-nın seçmə mərhələsi öncəsi millinin baş məşqçisi Vladimir Petkoviçin də planlarına daxil olan əlcəzairli futbolçu üçün əla xəbər olardı".

Benziya bu mövsüm bütün turnirlərdə 10 qol və 10 asistlə yadda qalıb.