“Məşqçilər mənə ön xətdə qalmağı tapşırmışdı. Bu üzdən nadir hallarda geri dönürdüm”.

Prosport.Az xəbər verir ki, bunu Azərbaycan millisinin futbolçusu Mahir Emreli deyib.

28 yaşlı hücumçu Almaniya mətbuatına açıqlamasında “Nürnberq”dəki gələcəyi və “Padaborn”la görüş barədə danışıb: “Bu qədər müddət topsuz qalmaq dəhşətli idi. Amma yenə də tapşırığa əməl etdim. Həqiqətən də gələcəyimlə bağlı heç nə bilmirəm. Tamamilə son oyunlara köklənmişəm və bütün bacarığımı ortaya qoyuram. Mən niyə burada olduğumu göstərmək istəyirəm. Karyeramla bağlı məsələdə məsləhətçilərim var. Onlar öz işlərini görür, mən də meydanda öz işimi”.

Qeyd edək ki, Mahir Emreli komandasının “Padaborn”a 2:3 hesabı ilə uduzduğu matçda dubla – 2 qola imza atıb.