Almaniyanın "Bild" nəşri Azərbaycan millisinin hücumçusu Mahir Emrelinin çıxış etdiyi "Nürnberq"in 2-ci Bundesliqadakı son oyunlarını təhlil edib.

Prosport.Az xəbər verir ki, yazıda azərbaycanlı futbolçunun da oyununa toxunulub. Qeyd olunub ki, Mahirin son 2 turda 3 qol vurması komandanı irəli aparmaq üçün yetərli deyil:

"Padaborn"la oyunda (2:3) qapıya cəmi 3 zərbə endirildi ki, onun 2-si qol oldu. “Kayzaslautan”la oyunda (2:1) isə bu göstərici bir qədər yaxşı idi. Mahir Emreli son 2 oyunda 3 qol vurub. Onun qol vurmaq instinktini qaytarması yaxşıdır, amma kifayət deyil. Mahir "Padaborn"la oyunda "Nürnberq"in yeganə hücumçusu idi. Bundan başqa, azərbaycanlı futbolçu qısa ötürmə kombinasiyalı oyuna üstünlük verir. Komandada isə hücumun dərinliyinə getmək baxımından çatışmazlıq var".

Qeyd edək ki, "Nürnberq"in hücum xəttində çıxış edən aparıcı oyunçulardan Stefanos Simas zədəli, Yanis Antist isə cəzalı durumda olduğundan, son oyunlarda komandaya kömək edə bilməyib.

Qeyd edək ki, Mahir Emreli bu mövsüm 2-ci Bundesliqada 20 oyuna 6 qol vurub, 1 qolun ötürməsini edib. O, 1 dəfə isə kubok matçında rəqib qapısına yol tapıb.