“Araz-Naxçıvan” komandasının iki zədəli futbolçusu Bəxtiyar Həsənalızadə və Miço Kuzmanoviç məşqlərə qoşulublar.

Prosport.Az xəbər verir ki, oyunçular Naxçıvan təmsilçisinin bugünkü hazırlıq prosesində iştirak ediblər.

Hər iki futbolçunun Azərbaycan Kubokunun yarımfinal mərhələsinin "Qarabağ"la qarşı cavab matçında oynayıb-oynamayacağı isə oyun günü məlum olacaq.

Qeyd edək ki, aprelin 23-də Tofiq Bəhramov adına Respublika Stadionunda keçiriləcək "Qarabağ" - "Araz-Naxçıvan" oyunu saat 17:00-da başlayacaq. İlk görüşdə Naxçıvan təmsilçisi 1:0 hesablı qələbə qazanıb.