Misli Premyer Liqasının XXXI turunun “Sabah” – “Səbail” oyunundan (3:2) sonra meydan sahibi komandanın baş məşqçisi Vasili Berezutski jurnalistlərin suallarını cavablandırıb.

Prosport.Az xəbər verir ki, mütəxəssis əvvəlcə görüşlə bağlı fikirlərini bildirib.

– Yaxşı oyun alındı. Xarakter göstərdik və son dəqiqələrdə qol vuraraq qələbə qazandıq. Ən pisi odur ki, son oyunlarda çox qol buraxırıq.

– “Neftçi” ilə oyunu düşünməyə başladınız?
– Əlbəttə, bu gün çox dəyişiklik etdik ki, bəzi oyunçular 90 dəqiqə oynamasın.

– Kubokda finala çıxa bilməsəniz, getmək haqda düşünəcəksiniz?
– Prinsipcə, nəticə olmayanda bir yerdə qalmaq çətindir. Gələcəkdə nə olacağını deyə bilmərəm.