“Qarabağ” ev oyunlarının "Azərsun Arena"da keçirilməsi üçün Peşəkar Futbol Liqasına (PFL) müraciət edib.

Prosport.Az xəbər verir ki, müraciətdə stadionda təmir və bərpa işlərinin başa çatmaq üzrə olduğu və klubun Misli Premyer Liqasının 2024/2025 mövsümünün son ev oyunlarını “Azərsun Arena”da qəbul etmək istədiyi bildirilib.

“Qarabağ” klubunun müraciətini, Əsasnamə tələblərinin qorunmasını nəzərə alan PFL məsələni müsbət qarşılayıb.

Beləliklə, XXXIII turun “Sumqayıt” ilə mayın 4-də gerçəkləşəcək görüşündən etibarən “Qarabağ” ev oyunlarını “Azərsun Arena”da keçirəcək.