AFFA İntizam Komitəsi "Turan Tovuz"un baş məşqçisi Qurban Berdiyevi 3-ü şərti olmaqla 5 oyunluq cəzalandırıb.

Prosport.Az xəbər verir ki, buna türkmənistanlı mütəxəssisin Premyer Liqanın XXX turunda, "Sabah"la oyunda 2-ci sarıdan qırmızı vərəqə aldıqdan sonra hakimləri təhqir etməsi səbəb olub. 

Ona 3 aylıq sınaq müddəti təyin edilib. Baş məşqçinin bu davranışına görə kluba 4 min manat cərimə kəsilib. Tovuz təmsilçisi 4 futbolçu sarı vərəqə aldığı üçün 700, azarkeşlərin meydana kənar əşyalar atmasına görə 800, fanatların hakimlərin ünvanına təhqiramiz ifadələr səsləndirməsi ucbatından (bu hal 5-ci dəfə təkrarlanır) 1000 manat ödəməli olacaq. 

Qarşılaşmada qırmızı vərəqə alan "Sabah"ın slovakiyalı legioneri Pavol Şafrankoya 1 oyunluq cəza, paytaxt klubuna isə 500 manat cərimə tətbiq edilib.