"Tarixi vətənim Azərbaycana bağlılıq hiss edirəmmi? Əlbəttə ki, bəli".

Prosport.Az xəbər verir ki, bu sözləri Rusiyanın "Ximki" klubunun əslən azərbaycanlı futbolçusu İlya Sadıqov deyib.

Hücumçu Azərbaycanda çox olmadığını, buraya cəmi 2-3 dəfə gəldiyini bildirib: "Amma öz kökündən uzaqlaşa bilməzsən. Mən yarı rus, yarı azərbaycanlıyam. Dili bir az bilirəm, türkcə də başa düşürəm, amma yaxşı danışmıram. Gec-tez Azərbaycan dilini öyrənmək istəyirəm".

Qeyd edək ki, İlya Sadıqov 2021-ci ilin iyulundan "Ximki"də çıxış edir. O, klubun sahibi Tufan Sadıqovun oğludur.