“Qarabağ”ın yarımmüdafiəçisi Yassin Benziyanın mövsümün sonunda Azərbaycanı tərk etmək ehtimalı yüksəkdir.

Prosport.Az Fransa mətbuatına istinadən xəbər verir ki, 30 yaşlı futbolçu Səudiyyə Ərəbistanından sərfəli təkliflər alıb.

Bunu nəzərə alan Benziya Ağdam klubunda qalmaq üçün rəhbərlikdən 1 milyon avroya yaxın məvacib tələb edir. Onun hazırkı qazancının 700 min avrodan aşağı olduğu bildirilir. Üstəlik, Benziyanın Əlcəzair millisindəki komanda yoldaşları da ona Səudiyyə Ərəbistanına köçməyi məsləhət görüb. Onlar futbolçunun orada inkişaf edəcəyinə və milliyə daha çox xeyir verəcəyinə inanır.

Qeyd edək ki, Yassin Benziya 2023-cü ilin əvvəlindən “Qarabağ”da çıxış edir.