“Əliyar Ağayevə böyük hörmətim var. Mən 7 ildir futboldayam, indiyədək onunla söhbətim, dialoqum olmayıb”.

Prosport.Az xəbər verir ki, bunu “Sabah”ın prezidenti Maqsud Adıgözəlov deyib.

AFFA-nın Hesabat Konfransına qatılan klub rəhbəri jurnalistlərin suallarını cavablandırıb. O, “Sabah”ın hakimlərə təzyiq etməsi barədə xəbərlərə münasibət bildirib: “Neftçi” ilə görüşdən sonra da aşağı texniki zonaya düşməmişəm, heç kimi görməmişəm. Onun sonrakı iki turda təyinat almamasını mətbuatdan oxumuşam. Ağayev meydandadır və epizodu görməyə bilər. Başa düşmürəm ki, adi tamaşaçı televiziyadan görürsə, hər cür avadanlığı olan VAR niyə görmür? Artıq matç bitib. Bununla bağlı AFFA-ya müraciətimizi etmişik”.

Qeyd edək ki, Azərbaycan kubokunun yarımfinal mərhələsinin ilk oyunları çərçivəsində keçirilən “Neftçi” - “Sabah” görüşünün baş hakimi Əliyar Ağayev qonaqların lehinə penalti verməyib. Hətta Hakimlər Komitəsinin rəhbəri Frank de Bleker də bu qərarın səhv olduğunu etiraf edib.