Azərbaycan milli komandasının və “Qarabağ”ın sabiq futbolçusu Vüqar Nadirovun atasının məzarı tapılıb.

Prosport.Az xəbər verir ki, məzar Ağdam rayonununda yerləşir.

Ermənistanın işğalı zamanı onminlərlə azərbaycanlının qəbri kimi, Vüqar Nadirovun atası Ərşad Nadirovun da qəbri dağılıb və Ağdam azad olunduqdan təxminən 4 il yarım sonra çətinliklə aşkarlanıb.

Ərşad Nadirov Birinci Qarabağ müharibəsinin qəhrəman döyüşçülərindən idi. “General Ərşad” ləqəbli Nadirov 1993-cü il iyulun 22-də, 43 yaşında şəhid olub və Ağdam rayonunda dəfn edilib.

Hazırda “Şəmkir” komandasının baş məşçqisi olan Nadirov dünən işğaldan azad edilmiş Ağdam rayonuna səfəri zamanı atasının tapılan məzarına baş çəkib. Şəkillərdən görünür ki, Vüqarın atasının da qəbri dağıdılıb və lentlə əhatəyə alınıb.

Qeyd edək ki, Ərşad Nadirov “Qarabağ” Futbol Klubunun prezidenti olmuş Adil Nadirovun qardaşıdır.