“Turan Tovuz” daha bir futbolçu ilə razılıq əldə edib. Aleks Souzanın ardınca Alexandro Serrano da qərblilərin düşərgəsində qalmağa qərar verib.

Prosport.Az futbolinfo.az-a xəbər verir ki, “Zirə”nin israrla istədiyi, digər klubların da xidmətinə maraq göstərdiyi ispan yarımmüdafiəçi mövsümün sonunda başa çatacaq anlaşmasını daha bir il uzatmağa razılaşıb. İllik 140 min dollara razılaşan oyunçu ilə müqavilə müddətinin uzadılması tezliklə rəsmən açıqlanacaq.

Serrano 2023-cü ilin yayından “Turan Tovuz”da çıxış edir. O, ölkəmizə Bolqarıstandan gəlmişdi.