"Flamenqu" Cənubi Amerikanın ən nüfuzlu klub turniri olan Libertadores kubokunda ilk oyununu keçirib.

Prosport.Az xəbər verir ki, Braziliya təmsilçisi Venesuelada "Deportivo Taçira"nın qonağı olub. Görüş "Flamenqu"nun 1:0 hesablı qələbəsi ilə başa çatıb.

Yeganə qolu "Qarabağ"ın sabiq hücumçusu Juninyu vurub. 56-cı dəqiqədə meydana daxil olan 28 yaşlı forvard cəmi 1 dəqiqə sonra fərqlənib. O, topu sinəsi ilə rəqib qapısından keçirib.

Qeyd edək ki, Juninyu "Flamenqu"ya bu ilin yanvarında 5 milyon avro təzminat qarşılığında keçib.