“Açıq və səmimi danışsaq, mənimlə düzgün davranmadılar".

Prosport.Az xəbər verir ki, bu sözləri I Liqada çıxış edən "Baku Sporting" klubunun sabiq futbolçusu Nikita Tarbyakov deyib.

Belaruslu futbolçu bildirib ki, klub məlum olmayan səbəblərdən onun Azərbaycanda qalması üçün miqrasiya məsələsini həll edə bilməyib: "Buna görə də ilk dövrənin bitməsinə 3 tur qalmış Bakıdan ayrılmaq məcburiyyətində qaldım. Çünki miqrasiya xidməti ilə ciddi problemlər yaşamamaq üçün risk etmədim. Maraqlıdır ki, hava limanında yeni bir problem ortaya çıxdı. Klub mənim müvəqqəti qeydiyyatımı vaxtında etməmişdi, buna görə də 600 Belarus rublundan çox məbləğdə (təqribən 310 manat) cərimə ödədim. Bu azmış kimi, “Baku Sportinq” mənə 2 aylıq maaşı da ödəmədi. Klub rəhbərliyi daima vədlər verirdi, amma kartıma heç bir ödəniş gəlmədi. Nəticədə, əməkdaşlığımızı dayandırmaq məcburiyyətində qaldım”.

Qeyd edək ki, Tarbyakov hazırda ölkəsinin "Lida" klubunda çıxış edir.