Renat Dadaşovun növbəti mövsümə "Radomyak"da start verməsi ehtimalı yüksəkdir.

Prosport.Azəbər verir ki, Radom təmsilçisində Azərbaycan yığmasının hücumçusunun çıxışından razıdırlar.

Polşa mətbuatı fevralın sonunda "Radomyak"a keçən forvardın oyununu yüksək qiymətləndirib. O, meydana çıxdığı 4 oyunda 2 qol vurub və 1 məhsuldar ötürmə verib. Cəmi 156 dəqiqə meydanda olan və yüksək məhsudarlıq nümayiş etdirən 25 yaşlı forvard ona bəslənən ümidləri doğruldub.

Klubla Renat arasında mövsümün sonuna kimi imzalanan müqavilədə onun 1 il müddətinə uzadılması maddəsi var. Klub rəhbərliyi bu imkandan istifadə edib Dadaşovu komandada saxlamaq arzusundadır. Artıq bununla bağlı futbolçu və onun meneceri ilə danışıqlara start verilib.

Qeyd edək ki, Dadaşovun keçidindən sonra uduzmayan "Radomyak" 26 turdan sonra 34 xalla 10-cu pillədə qərarlaşıb.