“Zirə” yeni mövsüm üçün transfer çalışmalarını davam etdirir.

Prosport.Az apasport.az-a istinadən xəbər verir ki, qəsəbə təmsilçisi milli komandamızın da formasını geyinmiş, hazırda “Sabah”da oynayan Namik Ələskərovla maraqlanır.

Belə ki, Misli Premyer Liqasında 2-ci pillədə qərarlaşan klub yayda transfer etmək istədiyi oyunçular siyahısına Ələsgərovun da adını daxil edib. 

Bu keçid üçün 3 ay sonra – mövsümün sonunda rəsmi təklif olunacaq. 30 yaşlı futbolçunun "Sabah"la müqavilə müddəti 2025-ci il iyunun 30-na qədərdir. 

Xatırladaq ki, Namik Ələskərov 2022-ci il iyulun 1-dən Masazır təmsilçisinin formasını geyinir. Ələskərov daha əvvəl "Bakı", "Qarabağ", "Kəpəz", "Neftçi" və "Bursaspor" kimi klublarda çıxış edib.