"Neftçi"nin sabiq futbolçusu Rezuan Mirzov hazırda formasını geyindiyi "Ximki"də dava etməsi ilə gündəmə gəlib. 

Prosport.Az xəbər verir ki, lakin təcrübəli yarımmüdafiəçi iddialıları təkzib edib. O, paltardəyişmə otağında heç kimlə dalaşmadığını bildirib.

"Sport-Ekspress" nəşri Mirzovla klubun sahibi Tufan Sadıqovun oğlu İlya Sadıqov arasında maaşların gecikməsi ilə bağlı emosional söhbət zamanı dava düşdüyünü iddia edib. Belə ki, İlya atasından narazılığın olduğunu görərək, onun müdafiəsinə qalxıb və belədə mübahisə yaşanıb. Mirzov isə məsələ haqda bu cür danışıb:

"Bu xəbəri görəndə çox təəccübləndim. Bu cür hadisə baş verməyibsə, yazılanlara necə təəccüblənməyəsən? Cəfəngiyyatdır, doğru deyil. Bunu kim yazıbsa, nəyə görə uydurduğunu da izah etməlidir".

Qeyd edək ki, İlya Sadıqov da "Ximki"nin üzvüdür.