Misli Premyer Liqasında XXVIII tura yekun vurulub.

Prosport.Az xəbər verir ki, günün son oyunu "Zirə" və "Şamaxı" komandaları arasında olub. Matç ev sahiblərinin 3:0 hesablı qələbəsi ilə yekunlaşıb.

Qolları Rafael Utziq, Ruan Renato və Salifu Suma vurublar.

Bu nəticədən sonra "qartallar" 55 xalla 2-ci, bölgə klubu 28 xalla 8-ci pillədədir.

Qeyd edək ki, turun əvvəlki oyunlarında "Qarabağ" "Turan Tovuz"u 4:1 hesabı ilə məğlub edib. "Neftçi" - "Araz-Naxçıvan" (1:1), "Sumqayıt" - "Sabah" ( 3:3) və "Kəpəz" - "Səbail" (1:1) oyunları isə heç-heçə ilə yekunlaşıb.