Misli Premyer Liqasının XXVIII turunun “Sumqayıt” – “Sabah” oyunundan (3:3) sonra qonaq komandanın baş məşqçisi Vasili Berezutski jurnalistlərin suallarını cavablandırıb.

Prosport.Az xəbər verir ki, mütəxəssis əvvəlcə görüşlə bağlı fikirlərini bildirib.

– Azarkeşlər üçün maraqlı oyun alındı. Qarşılıqlı qollar vuruldu. Daha yaxşı oynayan tərəf biz idik. Təəssüf ki, asan qollar buraxdıq.

– Kuboku fikirləşib, dəyişiklik etdiniz?
– Bəli, bəzi oyunçuların mikro zədələri var idi. Qarşıdakı oyuna onlar da hazır olacaq. Əlavə edim ki, Elgün və Seymur bu gün yaxşı çıxış etdi.

– Heç-heçələr dostunuza çevrilib. Bu mifi nə vaxt dağıdacaqsınız?
– Bilsəydim, deyərdim. Bugünkü oyunda asan qollar buraxdıq. Hər oyunun öz hekayəsi var. Müdafiədə daha artırmalıyıq.

– Çempionatdakı iddiadan əl çəkdiyiniz demək olar?
– Xeyr. Hər oyunda mübarizə aparacağıq. Şanslarımız var və xallar qazanmağa çalışacağıq.