"Bu, karyeramın ən yaxşı anlarından biri idi".

Prosport.Az xəbər verir ki, bunu Monteneqro millisində çıxış edən "Neftçi"nin futbolçusu Edvin Kuç deyib.

Yarımmüdafiəçi DÇ-2026-nın seçmə mərhələsində Farer adalarına qalib gəldikləri (1:0) matçın 90+6-cı dəqiqəsində qələbə qolunu vurması ilə bağlı fikirlərini bölüşüb:

"Kənardan hücum etməyi xoşlayıram. Həmin vaxt ya hər şey, ya da heç nə düşüncəsi ilə getdim. İlk günlər bizim üçün bir az çətin keçdi. Psixoloji və fiziki cəhətdən yorğun idik. Meydan da bizə çətinlik yaradırdı. 2 matçda 6 xalı asanlıqla qazanmayacağımızı bilirdik".