Almaniyanın Şimal-Şərq Regional Liqasında 26-cı turun oyunları keçirilib.

Prosport.Az xəbər verir ki, Azərbaycan millisinin sabiq hücumçusu Rüfət Dadaşovun çıxış etdiyi Berlin “Dinamo”su bu turda səfərdə “Zehlendorf”la qarşılaşıb.

Rüfət komandasının 5:3 hesabıyla qalib gəldiyi bu oyunda dubl edib. 3-cü dəqiqədə hesabı açan 33 yaşlı forvard 75-ci dəqiqədə 4-cü qolu vurub.

Rüfət bu mövsüm çempionatda vurduğu qolların sayının 11-ə çatdırıb. O, Berlin kubokunda da 4 dəfə rəqib qapısına yol tapıb.

“Dinamo” hazırda 40 xalla 6-cı pillədə qərarlaşıb.