Belarus millisinin futbolçularının Azərbaycan yığması ilə oyunda etdiyi hərəkətlər göz oxşayıb.

Prosport.Az-ın xəbərinə görə, əsasən şəhid övladları olan uşaqlara himn səslənərkən belaruslu futbolçular öz üst geyimlərini verib.

Havanın küləkli və temperaturun +5 dərəcə olduğu vaxtda qonaq futbolçular azyaşlıların üşüməməsi üçün alicənab hərəkətə imza atıb.

Azərbaycan yığmasından isə oxşar hərəkəti cəmi 3 futbolçu – Toral Bayramov, Mahir Emreli və Ozan Kökçü edib.

Qeyd edək ki, Abşeron rayonunun Masazır qəsəbəsindəki "Bank Respublika Arena"da keçirilən matçda Belarus millisi 2:0 qalib gəlib.