“Komanda yoldaşlarıma və məşqçilərimizə təşəkkürümü bildirirəm”.

Prosport.Az xəbər verir ki, bunu Azərbaycan millisinin futbolçusu Şahin Şahniyarov deyib.

I Liqa təmsilçisi “Qəbələ”nin formasını geyinən 20 yaşlı yarımmüdafiəçi yığmada debüt oyununu keçirib. O, Belarusla yoldaşlıq görüşündən sonra açıqlama verib: “Milli komandaya dəvət olunarkən özümü çox xoşbəxt hiss edirdim. Debüt matçı isə mənim üçün daha maraqlı oldu. Milli forması ilə ilk matçıma çıxdığım üçün çox sevincliyəm. Necə çıxış etdiyimi deyə bilmərəm, buna məşqçilərim qərar verəcək. Lakin istənilən halda öz üzərimdə daha çox işləməli olduğumu bilirəm. Ümid edirəm ki, milli komandanın heyətində və oyunlarda mütəmadi olaraq yer alacağam”.

Qeyd edək ki, yığmamız Belarusa 0:2 hesabı ilə uduzub.