Dünya çempioatının Afrika qitəsi üzrə seçmə mərhələsi çərçivəsində Nigeriya millisi səfərdə Ruanda ilə üz-üzə gəlib.

Prosport.Az xəbər verir ki, "Zirə"nin futbolçusu Anje Mutsinzinin də çıxış etdiyi Ruanda yığması 0:2 hesablı məğlubiyyətə uğrayıb. Oyundan sonra Mutsinzi Nigeriya millisinin hücumçusu Viktor Osimhenə "Zirə"nin forması hədiyyə edib. Qarşılığında isə Osimhen "Qalatasaray" formasını ona verib.

Qeyd edək ki, 5 turdan sonra C qrupunda Ruanda millisi 7 xalla 3-cü, Nigeriya isə 6 xalla 4-cü pillədə qərarlaşıb.