Bakı Olimpiya Stadionu (BOS) 2027-ci ildə UEFA Çempionlar Liqasının finalına ev sahibliyi etməyəcək.

Prosport.Az xəbər verir ki, qitənin ən nüfuzlu klub turnirinin sözügedən ildəki həlledici qarşılaşması İspaniyanın paytaxtı Madriddə yerləşən "Metropolitano" stadionunda oynanılacaq.

Qeyd edək ki, 2027-ci ildə baş tutacaq final görüşünə ev sahibliyi etmək üçün Bakı və Madrid şəhərləri namizədliklərini irəli sürmüşdü. Final üçün paytaxtımızdakı BOS stadionu AFFA tərəfindən namizəd kimi təqdim edilmişdi.