Azərbaycanın FIFA referisi Kamal Umudlu Əvəzedicilər Liqasına göndərilib.

Prosport.Az xəbər verir ki, o, XXVII turda keçiriləcək “Turan Tovuz-2” – “Sumqayıt-2” matçının baş hakimi olacaq. Bu gün Tovuz şəhər stadionunda oynanılacaq görüş saat 12:30-da başlayacaq.

Umudlunun Əvəzedicilər Liqasına təyinat alması onun cəzalandırılması ilə bağlı ola bilər.

Beynəlxalq dərəcəli hakimin Premyer Liqanın XXVI turunun "Araz-Naxçıvan" - "Qarabağ" oyunundakı (1:3) idarəçiliyi birmənalı qarşılanmayıb. O, həmin matçda futbolçular arasında baş vermiş kütləvi dava zamanı Naxçıvan təmsilçisinin hücumçusu Felipe Santosu meydandan qovsa da, Ağdam klubunun insidentdə iştirak etmiş üzvlərinə qırmızı vərəqə göstərməyib.