Azərbaycan milli komandasının martın 22-də Haiti və 25-də Belarus yığmasına qarşı keçirəcəyi yoldaşlıq oyunları üçün heyəti müəyyənləşib.

Prosport.Az xəbər verir ki, yığmanın baş məşqçisi Fernandu Santuş mətbuat konfransında komandaya çağırdığı futbolçuların adlarını açıqlayıb.

Heyətdə I Liqanın lideri "Qəbələ"nin oyunçusu Şahin Şahniyarov da var. Portuqaliyalı mütəxəssis martın 17-dən təlim-məşq toplanışına başlayacaq heyətə 25 oyunçu dəvət edib.

Qapıçılar: Rza Cəfərov ("Neftçi"), Şahruddin Məhəmmədəliyev (“Qarabağ”), Aydın Bayramov (“Zirə”);

Müdafiəçilər: Amin Seydiyev, Rəhman Daşdəmirov (hər ikisi “Sabah”), Mərt Çəlik (“Səbail”), Bədəvi Hüseynov, Bəhlul Mustafazadə (hər ikisi “Qarabağ”), Rahil Məmmədov (“Radomyak”, Polşa), Zamiq Əliyev (“Eqnatiya”, Albaniya);

Yarımmüdafiəçilər: Elvin Cəfərquliyev, Aleksey İsayev, Toral Bayramov (hər üçü “Qarabağ”), Coşqun Diniyev (“Çorum”, Türkiyə), Elvin Camalov (“Neftçi”), Şahin Şahniyarov (“Qəbələ”), İsmayıl İbrahimli (“Zirə”), Səbuhi Abdullazadə (“Sumqayıt”), Ozan Kökçü (HYK, Finlandiya);

Hücumçular: Nəriman Axundzadə, Musa Qurbanlı (hər ikisi “Qarabağ”), Renat Dadaşov (“Radomyak”, Polşa), Mahir Emreli (“Nürnberq”, Almaniya), Xəyal Əliyev (“Sabah”), Ağadadaş Salyanski (“Neftçi”).