Polşada keçirilən III Avropa Oyunları davam edir.

Prosport.Az xəbər verir ki, yarışda Azərbaycan milli komandası 14 idman növü üzrə 101 idmançı ilə təmsil olunur. Onlardan bəziləri çıxışlarını başa vurub. 

Bugünə qədər Azərbaycan komandası ümumilikdə 8 medal qazanıb. Bunlardan 2-si qızıl, 1-i gümüş, 5-i isə bürüncdür. Bu nəticə ilə hazırda milli komandamız medal sıralamasında 24-cü yeri tutur.

Siyahıya əvvəlkitək İtaliya başçılıq edir. Bu ölkə yarışda 63 medal qazanıb (19 qızıl, 19 gümüş, 25 bürünc). 

Avropa Oyunlarına iyulun 2-də yekun vurulacaq.