II Liqada çıxış edən “Haypers Quba"nın apellyasiya şikayəti qismən təmin edilib.

Prosport.Az xəbər verir ki, Apellyasiya Arbitraj Tribunalı AFFA İntizam Komitəsinin hücumçu Ruslan Qurbanova verdiyi 4 oyunluq cəzanı 2 matça endirib. Təcrübəli oyunçuya 3 aylıq sınaq müddəti təyin edilib.

Millimizin sabiq üzvü XIV turda "Şəmkir"lə görüşdə hakimi təhqir etdiyi üçün cəzalanmışdı. Quba təmsilçisi 300 manat cərimə olunmuşdu. İntizam Komitəsinin bu qərarı qüvvədə saxlanılıb.