Misli Premyer Liqasının XXVI turunun “Neftçi” – “Turan Tovuz” oyunundan (1:1) sonra qonaq komandanın baş məşqçisi Qurban Berdıyev jurnalistlərin suallarını cavablandırıb.

Prosport.Az xəbər verir ki, mütəxəssis əvvəlcə görüşlə bağlı fikirlərini bildirib.

– Paltardəyişmə otağında bu barədə danışdıq. Uşaqlar Hakmana görə döyüşdülər və qol buraxmağımıza baxmayaraq, mübarizə apardılar. 10 nəfərlə qalsaq da, müdafiədə çox ağıllı oynadıq.

– Oyunun ədalətli nəticəsi bərabərlik idi?
– Bəli. Hesab etmək olar.

– Bu oyunun əsas qəhrəmanı Sergey Samoku saymaq olar?
– Təkcə o deyil. Bütün komanda bu qələbəni haqq edirdi.

– Neçənci dəfədir ki, komanda son saniyələrdə fərqlənir. Bununla fəxr edirsiniz?
– Komanda 6 ay ərzində düzəlmir. Futbolçularımda xarakter var. Bu, bizi sevindirir.